عنوان: مرغی ٹینکی میں گر کر مرجائے، تو اس ٹینکی کو پاک کیسے کیا جائے گا؟(108168-No)

سوال: مفتی صاحب ! گھر کے زیر زمین ٹینکی میں مرغی گر کر مر گئی ہے، اب ٹینکی پاک کیسے ہوگی؟

جواب: صورت مسئولہ میں اگر ٹینکی 225 اسکوائر فٹ سے کم ہے، تو اس میں مرغی گر کر مرنے سے ٹینکی کا سارا پانی ناپاک ہوچکا ہے اور اسے پاک کرنے کا طریقہ یہ ہے کہ ٹینکی سے مردہ مرغی اور اس کے اجزاء پانی سے نکالنے کے بعد ٹینکی کو خالی کرکے اسے تین مرتبہ دھویا جائے اور ہر مرتبہ میں پانی کو نکالا جائے، تو ایسا کرنے سے ٹینکی پاک ہوجائے گی۔

اور اگر ٹینکی کو دھونا دشوار ہو، تو اسے پاک کرنے کا آسان طریقہ یہ ہے کہ پانی کو(جو ماء راکد کے حکم میں ہے) کسی طرح جاری کردیا جائے اور ٹینکی کے پانی کو جاری کرنے کی صورت یہ ہے کہ ایک طرف موٹر چلا دی جائے، جس سے پانی ٹینکی میں داخل ہونا شروع ہوجائے، اور دوسری طرف اس ٹینکی سے نکلنے والے پائپ کا کوئی سا نل (ٹونٹی) کھول دیا جائے، جب اتنا پانی نکل جائے، جتنا موجود تھا یا اتنی مقدار میں پانی نکل جائے کہ اس پانی سے نجاست کا اثر رنگ ، بو اور مزہ ختم ہوجائے، تب یہ پانی دخول اور خروج کی اس ترکیب سے ماء جاری کے حکم میں داخل ہوکر پاک ہوجائے گا۔

واضح رہے کہ اس ترکیب کو اختیار کرنے سے ٹینکی، اس سے ملنے والی تمام پائپ لائنیں اور نل پاک ہوجائیں گے، الگ سے ٹینکی کو پاک کرنے کی ضرورت نہیں رہے گی۔

۔۔۔۔۔۔۔۔۔۔۔۔۔۔۔۔۔۔۔
دلائل:

المحیط البرھانی:(99/1،الفصل الرابع،ط:دارالكتب العلمية)
حوض صغير تنجس ماؤه فدخل الماء الطاهر فيه من جانب وسال ماء الحوض من جانب آخر كان الفقيه أبو جعفر رحمه الله يقول: كما سال ماء الحوض من جانب لآخر يحكم بطهارة الحوض، وهو اختيار الصدر الشهيد رحمه الله. وكان الفقيه أبو بكر بن سعدالله يقول: لا يحكم بطهارة الحوض حتى يخرج منه ثلاث مرات مثل ما كان في الحوض من الماء النجس، وبه كان يفتي ظهير الدين المرغيناني رحمه الله، ومن المشايخ من شرط خروج مثل ما كان في الحوض من الماء النجس مرة واحدة.

الھندیۃ:(17/1،ط:رشیدیۃ،کوئٹہ)
حَوْضٌ صَغِيرٌ تَنَجَّسَ مَاؤُهُ فَدَخَلَ الْمَاءُ الطَّاهِرُ فِيهِ مِنْ جَانِبٍ وَسَالَ مَاءُ الْحَوْضِ مِنْ جَانِبٍ آخَرَ كَانَ الْفَقِيهُ أَبُو جَعْفَرٍ - رَحِمَهُ اللَّهُ - يَقُولُ: كَمَا سَالَ مَاءُ الْحَوْضِ مِنْ الْجَانِبِ الْآخَرِ يُحْكَمُ بِطَهَارَةِ الْحَوْضِ وَهُوَ اخْتِيَارُ الصَّدْرِ الشَّهِيدِ - رَحِمَهُ اللَّهُ -. كَذَا فِي الْمُحِيطِ وَفِي النَّوَازِلِ وَبِهِ نَأْخُذُ كَذَا فِي التَّتَارْخَانِيَّة۔

واللہ تعالٰی اعلم بالصواب
دارالافتاء الاخلاص،کراچی

Print Full Screen Views: 185
murghi tanki mai gir kar mae jaye to us tanki ko pak kese kia jaye ga?

Find here answers of your daily concerns or questions about daily life according to Islam and Sharia. This category covers your asking about the category of Purity & Impurity

Managed by: Hamariweb.com / Islamuna.com

Copyright © Al-Ikhalsonline 2022.