سوال: ہمارے یہاں ایک بات مشہور ہے کہ اگر کوئی مسلمان آدمی کسی غیر مسلم عورت سے زنا کرے تو وہ غسل کرنے سے بھی پاک نہیں ہوگا اور بعض لوگ کہتے ہیں کہ جب تک کوئی اینٹ نہیں پگھلائے گا، اس وقت تک اس کا غسل درست نہیں ہوگا۔ کیا قرآن وسنت میں اس کی کوئی اصل ہے یا ایسی ہی من گھڑت بات ہے؟

جواب: واضح رہے کہ زنا حرام اور کبیرہ گناہ ہے، چاہے مسلم عورت کے ساتھ کیا جائے یا غیر مسلم عورت کے ساتھ، اس پر صدق دل سے توبہ و استغفار کرنا اور آئندہ اس قبیح فعل سے اجتناب کرنا شرعاََ لازم ہے، البتہ اگر یہ قبیح فعل کسی مسلمان سے سرزد ہوجائے، چاہے مسلم عورت کے ساتھ یا غیر مسلم عورت کے ساتھ، ہر صورت میں ایک مرتبہ شرعی غسل کرنے سے جنابت کی ناپاکی دور ہو جائے گی، لہذا پوچھی گئی صورت میں لوگوں کی مذکورہ بات کہ "ایسا شخص غسل کرنے سے بھی پاک نہیں ہوگا" یا "پاک ہونے کے لئے اینٹ پگھلانا ضروری ہے" درست نہیں ہے۔