سوال: السلام علیکم، میں نے اپنی بیٹی اور قرآن کی قسم کھا کر کہا کہ میں نہیں جاؤں گا، لیکن شاید مجھے اپنی فیملی کے ساتھ جانا پڑے، تو اس کا کفارہ کیا ہوگا؟ کیونکہ اس ٹائم میں نے غصے میں دونوں کی قسم کھائی ہے۔

جواب: یاد رہے کہ بچوں کی قسم کھانا شریعت میں جائز نہیں ہے، بلکہ گناہ ہے، اس سے اجتناب کرنا ضروری ہے، اسی طرح قرآن کی قسم بھی نہیں کھانی چاہیے، لیکن اگر کسی نے قرآن کی قسم کھالی ہے، تو اس کی قسم منعقد ہوجائے گی، اور اس قسم کو توڑنے کی صورت میں کفارہ لازم ہوگا۔
قسم توڑنے کا کفارہ یہ ہے کہ دس مساکین کو صبح شام (دو وقت) پیٹ بھر کر کھانا کھلایا جائے یا دس مساکین میں سے ہر مسکین کو پونے دو کلو گندم یا اس کی قیمت دیدی جائے، یا دس مسکینوں کو ایک ایک جوڑا کپڑوں کا دیدیا جائے، اور اگر قسم کھانے والا غریب ہے اور مذکورہ امور میں سے کسی پر اس کو استطاعت نہیں ہے، تو پھر کفارہ قسم کی نیت سے مسلسل تین دن تک روزے رکھنے سے بھی قسم کا کفارہ ادا ہوجائے گا۔