سوال: مفتی صاحب! اگر دودھ پیتا بچہ کپڑوں پر دودھ نکال دے، تو کیا نماز کے لیے کپڑے تبدیل کرنے ہوں گے یا نہیں؟

جواب: بچے کی قے (الٹی) منہ بھر کر ہو، تو اس کا حکم بڑے آدمی کی قے (الٹی) کی مانند ہوگا، یہ ناپاک ہے، اور اس کا حکم نجاست غلیظہ کا ہے، یعنی اگر یہ جسم یا کپڑے پر ایک درہم (ہتھیلی کے گہراؤ) کے برابر یا اس سے کم مقدار میں لگ جائے، اور ایسی صورت میں نماز پڑھ لی جائے، تو نماز ادا ہو جائے گی، اگرچہ مکروہ ہوگی۔
اور اگر اس قے (نجاست) کے پھیلاؤ کی مقدار ایک درہم سے زیادہ ہے، تو اس کو دھونا ضروری ہے، اس کو دھوئے بغیر نماز نہیں ہوگی۔
اور اگر قے (الٹی) منہ بھر کر نہ ہو، خواہ بالغ کی ہو یا نابالغ کی، تو وہ ناپاک نہیں ہے۔