سوال: کچھ گھریلو ناچاقیوں کی وجہ سے بیوی اپنے میکے چلی گئی تھی، اس کے بعد شوہر نے ساس کو فون کرکے کہا کہ میری بیوی مجھے دے دی،ں میں لینے آؤں گا، اس پر ساس نے کہا کہ میری بیٹی کو فارغ کر دو، تو شوہر نے کہا: میری طرف سے فارغ ہے، ایک طلاق، دو طلاق، تین طلاق، تو اس صورت میں کون سی طلاق واقع ہوئی ہے؟

جواب: سوال میں ذکر کردہ صورت اگر واقع کے مطابق ہے، تو ان جملوں: "میری طرف سے فارغ ہے، ایک طلاق، دو طلاق، تین طلاق" سے تین طلاقیں واقع ہو چکی ہیں، اور بیوی اپنے شوہر پر حرمتِ مغلظہ کے ساتھ حرام ہو چکی ہے۔