سوال: مفتی صاحب ! میری والدہ نے اپنے انتقال سے ایک ہفتہ پہلے مجھ سے کہا کہ میرا جو بھی قرض ہے، میرے مرنے کے بعد تم ادا کرو گی، اب جو قرض ہے، وہ بڑی بہن کا ہے، جو والدہ کو گھر بناتے وقت بڑی بہن نے دیا تھا، بڑی بہن بیوہ ہیں، میں جب بھی قرض دینے کی بات کرتی ہوں، تو بڑی بہن کہتی ہیں کہ میں نے معاف کردیا ہے، اب میرے لیے کیا حکم ہے؟ رہنمائی فرمادیں۔

جواب: صورتِ مسئولہ میں اگر آپ کی بہن نے کوئی دباؤ محسوس کیے بغیر اپنی خوش دلی سےقرضہ معاف کردیا ہے توان کے لیے ایسا کرنا جائز ہے، اورایسی صورت میں آپ پر یا والدہ کی جائیداد میں ان کےقرضے کی ادائیگی لازم نہیں ہے، ایسی صورت میں اگر آپ تبرعا اپنی بہن کو کچھ دینا چاہیں تو یہ آپ کے لیے باعث اجروثواب ہے۔
تاہم اگر وہ خوش دلی سے معاف نہ کریں تو ان کے قرضے کی ادائیگی لازم ہے، چاہے آپ اپنی خوش دلی سے اپنی طرف سے ادا کردیں، یا وہ والدہ کی جائیداد سے اس رقم کو وصول کرلیں۔