سوال:
میری ٹانگ کمزور ہے اور چمڑے کے موزے پہنتے وقت پنڈلی کا حصہ کھلا رہتا ہے، مسئلہ یہ پوچھنا ہے کہ آیا ان موزوں پر مسح کرنا صحیح ہے، اگر صحیح نہیں ہے تو ان پر مسح کر کے پڑھی گئی نمازوں کا کیا حکم ہے؟
جواب: موزوں پر مسح کے لئے ٹخنوں کا چھپا ہونا ضروری ہے، جبکہ ٹخنوں سے اوپر پاؤں یعنی پنڈلی کا چھپانا ضروری نہیں ہے، لہذا پوچھی گئی صورت میں ان موزوں پر مسح کرنا درست ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الفتاوی الھندیۃ: (32/1، ط: دار الفکر)
(الفصل الأول في الأمور التي لا بد منها في جواز المسح)
(منها) أن يكون الخف مما يمكن قطع السفر به وتتابع المشي عليه ويستر الكعبين وستر ما فوقهما ليس بشرط. هكذا في المحيط حتى لو لبس خفا لا ساق له يجوز المسح إن كان الكعب مستورا.
واللہ تعالٰی اعلم بالصواب
دارالافتاء الاخلاص،کراچی