سوال: السلام علیکم، حضرت ! بہت پہلے یہ بات سنی تھی کہ کتے کی خرید و فروخت کرنا ناجائز ہے اور ایسا کرنے سے شادی شدہ شخص کا نکاح ٹوٹ جاتا ہے کیا یہ بات صحیح ہے ؟ اور اگر ایسا ہے تو یہ معاملہ دوسرے جانور یعنی بلی وغیرہ کے لیے بھی ہو گا؟ ذرا رہنمائی فرمائیں۔ جزاک اللہ

جواب: اگر کتا شکار، کھیتی وغیرہ کی حفاظت یا گھر کی چوکیداری کے لیے رکھا جائے، تو شرعاً اس کی اجازت ہے، اور اِس مقصد کے لیے اُس کی خرید وفروخت بھی جائز ہے، اور اگر کتا ان مقاصد کے لیے نہ ہو، تو چوں کہ کتا ایک نجس جانور ہے، اس لیے اس کو گھر میں شوقیہ رکھنا، اس کے ساتھ محبت کا برتاؤ کرنا، اس کو اپنے ساتھ گھمانا پھرانا، جیسا کہ مغرب زدہ طبقے میں رائج ہے، شرعاً ممنوع ہے اور اس مقصد کے لیے کتے کی خرید وفروخت بھی ناجائز ہے، اِس سے اجتناب کرنا ضروری ہے، البتہ اس سے نکاح نہیں ٹوٹتا ہے۔
بلی کی خرید وفروخت جائز ہے۔