سوال: السلام علیکم، امید ہے احباب خیریت سے ہوں گے۔ اس مسئلہ کے متعلق رہنمائی درکار ہے کہ شوہر نے بیوی کے بارے میں رشتہ دار سے کہا کہ "یہ میرے قابل نہیں ہے، اس کو نہیں رکھتا" یہ الفاظ تین چار بار کہے۔ پھر کہا کہ "اس کو رکھوں تو بہن کو رکھوں"اب اس کا شرعی حکم کیا ہو سکتا ہے؟
براہ کرم جواب سے آگاہ فرما دیجیئے۔ جزاکم اللہ خیرا و احسن الجزاء اللہ آپ کو خوش رکھے۔

جواب: سوال میں ذکر کردہ صورت میں شوہر کا اپنے رشتہ دار سے بیوی کے بارے میں یہ کہنا کہ " یہ میرے قابل نہیں ہے، اس کو نہیں رکھتا، اس کو رکھوں تو بہن کو رکھوں"
اگر شوہر نے یہ الفاظ طلاق کی نیت سے کہے ہیں، تو ایک طلاق بائن واقع ہوجائے گی، اور اگر طلاق کی نیت سے نہیں کہے ہیں، تو یہ الفاظ لغو شمار ہوں گے، اور طلاق واقع نہیں ہوگی، البتہ آئندہ ایسے الفاظ کہنے سے سخت اجتناب کرنا چاہیے۔