سوال:
دفتری کام کی وجہ سے اکثر سودی بینک میں جانا ہوتا ہے وہاں کھانے پینے سے ہمیشہ اجتناب کرتا ہوں، پوچھنا یہ ہے کہ کیا وہاں کے پانی سے وضو کیا جاسکتا ہے؟
جواب: سودی بینکوں میں رکھی گئی تمام رقوم حرام نہیں ہوتی ہیں، بلکہ حلال اور حرام سے مخلوط ہوتی ہیں، جبکہ اکثر رقوم حلال ہوتی ہیں، اس لیے سودی بینکوں میں موجود پانی سے نماز کا وضو کیا جا سکتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
فقه البیوع: (1061/2، ط: دار العلوم کراتشی)
أموال البنک الربوي داخل في الصورة الثالثة من القسم الثالث، فیجوز التعامل معھا بقدر ما فیھا من الحلال.
و فیه أیضا: (1032/2، ط: دار العلوم کراتشی)
أما إذا کان الحلال مخلوطا بالحرام دون تمییز أحدھما بالآخر فإنہ لا عبرۃ بالغلبۃ فی مذھب الحنفیۃ بل یحل الانتفاع من المخلوط بقدر الحلال سواء أکان الحلال قلیلا أم کثیرا.
واللہ تعالٰی أعلم بالصواب
دارالافتاء الاخلاص،کراچی