سوال: السلام علیکم، مفتی صاحب! ہم لوگ گھر پر تراویح کا اہتمام کرنا چاہتے ہیں، حافظ صاحب کی عمر پندرہ سال سات ماہ ہے، سامع حافظ صاحب کا ہی چھوٹا بھائی ہے، اور باقی دیگر سامعین حضرات غیر حافظ ہیں، اس میں شرعا کوئی قباحت تو نہیں ہے؟ براہ کرم رہنمائی فرمادیں۔

جواب: پندرہ سال کی عمر میں لڑکا شرعی طور پر بالغ شمار ہوتا ہے٬ اگرچہ اس میں بلوغ کی کوئی علامت ظاہر نہ ہوئی ہو٬ لہذا سوال میں ذکر کردہ صورت میں لڑکا شرعا بالغ ہے٬ اس لئے اس کے پیچھے تراویح پڑھنا درست ہے۔