سوال: مفتی صاحب! اگر شوہر نے ایک طلاق بائن دینے کے بعد اگلے دن دو صریح طلاق دے دی ہوں، تو کیا تینوں طلاقوں واقع ہوجائیں گی؟

جواب: پوچھی گئی صورت میں چونکہ شوہر نے طلاق بائن کی عدت میں صریح الفاظ میں مزید دو طلاقیں دیں ہیں، اس لئے مذکورہ عورت پر تین طلاقیں واقع ہوگئی ہیں، اور رجوع کا کوئی حق حاصل نہیں ہے۔
البتہ اگر وہ عورت پہلے شوہر کی عدت (تین ماہواریاں) گزار کر کسی اور مرد سے نکاح کرے، اور اس سے ازدواجی تعلقات قائم کرے، پھر وہ اسے طلاق دے دے یا اس کا انتقال ہو جائے، تو عدت گزرنے کے بعد طرفین کی رضامندی سے نئے مہر اور دو گواہوں کی موجودگی میں اسی شخص سے دوبارہ نکاح کیا جا سکتا ہے۔