سوال: مجھے پیشاب کرنے کے تقریباً چار گھنٹے بعد بہت ہلکی سی تری محسوس ہوتی ہے، پیشاب کا قطرہ نہیں ہوتا بلکہ ہلکی سی نمی ہوتی ہے، کبھی ہوتی ہے اور کبھی نہیں اور قطرہ سے بھی بہت کم ہوتی ہے، براہ کرم رہنمائی فرمادیں کہ کیا اس سے وضو ٹوٹ جائے گا؟

جواب: واضح رہے کہ جب تک شرمگاہ کے سرے سے تری ظاہر نہ ہو، بلکہ صرف اندرونی جانب سے نظر آئے، تب تک وضو برقرار رہے گا، لیکن جب تری شرمگاہ سے باہر نکل کر ظاہر ہوجائے تو اس سے وضو ٹوٹ جائے گا، اگرچہ وہ مقدار میں کم ہی کیوں نہ ہو۔