سوال: السلام علیکم، مفتی صاحب! کیا یہ بات درست ہے کہ زم زم کا پانی ملانے سے عام پانی بھی زم زم بن جاتا ہے؟ رہنمائی فرمادیں۔

جواب: آبِ زم زم میں عام پانی ملانے سے اس کی برکات عام پانی میں بھی منتقل ہو جاتی ہیں،اس لیے آبِ زم زم جس پانی میں ملایا جائے، اگر وہ پانی تھوڑا ہو، اور آب زم زم کی مقدار زیادہ ہو، تو اس پورے پانی کو آبِ زم زم کہا جاسکتا ہے، لیکن اگر عام پانی کی مقدار آبِ زم زم سے زیادہ ہو، تو اسے آب زمزم کہنا درست نہیں ہے، تاہم ایسا پانی بھی برکت سے خالی نہیں ہے۔