سوال: السلام علیکم، مفتی صاحب! اگر شوہر پیچھے سے ہمبستری کرے، اور اپنی حرکت سے باز نہ آئے، تو کیا اس سے طلاق لے لینی چاہیے؟ اگرچہ لڑکی کو اس کے علاوہ اور کوئی مسئلہ نہ ہو، اور وہ اس گھر میں خوش ہو۔ براہ کرم رہنمائی فرمائیں۔

جواب: واضح رہے کہ شوہر کا بیوی کے ساتھ پچھلی شرمگاہ میں ہمبستری کرنا حرام ہے، حدیث شریف میں اس عمل پر سخت وعید وارد ہوئی ہے۔
چنانچہ حضرت ابو ہریرہ رضی اللہ عنہ روایت کرتے ہیں کہ رسول اللہ صلی اللہ علیہ وسلم کا ارشاد ہے کہ اس شخص پر اللہ تعالیٰ کی لعنت ہے، جو اپنی بیوی کی پچھلی شرمگاہ میں شہوت پوری کرے۔ (سنن ابی داؤد، رقم الحدیث: 2162)
سوال میں ذکر کردہ صورت میں بیوی کو چاہیے کہ ہر ممکنہ طریقے سے شوہر کو اس عمل سے منع کرنے کی پوری کوشش کرے، لیکن اگر بیوی کے منع کرنے کے باوجود شوہر اس گھناؤنے عمل سے باز نہیں آتا، تو اس عمل کی وجہ سے بیوی شوہر سے طلاق کا مطالبہ کرسکتی ہے۔