سوال:
مفتی صاحب! ہمارے ایک رشتہ دار نماز جنازہ اس لیے نہیں پڑھتے کہ انہیں نماز جنازہ کی دعا نہیں آتی، معلوم یہ کرنا ہے کہ اگر کسی شخص کو نماز جنازہ کی دعا یاد نہ ہو تو کیا اس کے بجائے کوئی ایسی دعا ہے جو نمازِ جنازہ میں پڑھی جاسکے؟
جواب: واضح رہے کہ اگر کسی شخص کو نماز جنازہ کی منقول دعا یاد نہ ہو تو اسے جلد از جلد منقول دعا یاد کرنے کا اہتمام کرنا چاہیے اور جب تک منقول دعا یاد نہ ہو جائے تو "اللّھم اغفر للمؤمنین والمؤمنات " پڑھ سکتا ہے اور اگر یہ بھی نہ ہوسکے تو نماز جنازہ کی چار تکبیریں کہہ لے تو بھی نماز جنازہ ادا ہوجائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
البحر الرائق: (197/2، ط: دار الکتاب الاسلامی)
ومن لا يحسن الدعاء يقول: اللهم اغفر للمؤمنين والمؤمنات كذا في المجتبى،
الفتاوی التاتارخانیۃ: (118/2، ط: قدیمی)
وفی الفتاوى الحجة: والأمي والهنود الذين لا يعلمون الأدعية يكبر تكبيرات ويسلم تجوز صلاته لأن الأركان فيها التكبيرات
واللہ تعالٰی اعلم بالصواب
دارالافتاء الاخلاص،کراچی