سوال: السلام علیکم، مفتی صاحب! کسی کے برے عمل کو ختم کرنے کے لیے اس کی طرف سے استغفار یا کوئی اور عمل کرسکتے ہیں، کیا اس کو اس کا کوئی فائدہ ہوگا؟ براہ کرم رہنمائی فرمائیں۔

جواب: اگر آپ کے سوال کا مطلب یہ ہے کہ کسی گناہ گار شخص کے لیے ایصال ثواب کرنے سے اسے نیک اعمال کا ثواب ملتا ہے یا نہیں اور اس کے لیے استغفار کیا جاسکتا ہے یا نہیں؟
تو واضح رہے کہ کوئی شخص استغفار، دعا اور نیک اعمال کرکے اس کا اجر و ثواب دوسرے شخص کو پہنچائے، تو اللہ تعالیٰ کی ذات سے امید ہے کہ اللہ تعالیٰ اپنے کرم سے اس کا ثواب اس فلاں شخص کو پہنچادیں گے۔