سوال: بھائی اور بہنوں کے درمیان شرعی اعتبار سے میراث تقسیم ہوچکی تھی اور اس میں بھائی کی طرف سے یہ شرط لگائی گئی تھی کہ جب ہمارے پاس رقم کا انتظام ہوگا تو بہنوں کا حصہ ان تک پہنچا دیں گے، بہنوں نے اس وقت اس شرط کو منظور بھی کرلیا تھا اور بھائی نے بہنوں کو ان کے حصہ کی پچاس فی صد رقم ادا بھی کردی تھی، اب زمین کی قیمت بڑھنے کی وجہ سے بھائی نے وہ زمین بیچ دی توبہنیں مطالبہ کررہی ہیں کہ زمین کی پرانی قیمت کے اعتبار سے جو تقسیم ہوئی تھی وہ ہمیں منظور نہیں ہے بلکہ زمین کی اب جو قیمت آئی ہے اس میں سے ہمیں ہمارا حصہ چاہیے، حالانکہ زمین کی پرانی قیمت کے اعتبار سے بہنوں کو پچاس فی صد رقم دی جا چکی تھی تو کیا بہنوں کا اس طرح مطالبہ کرنا صحیح ہے؟

جواب: پوچھی گئی صورت میں اگر بہنوں نے بغیر کسی جبر و اکراہ کے باہمی رضامندی سے اپنا حصہ آپ کو فروخت کر دیا تھا، اور اس کے بدلہ میں پچاس فیصد رقم وصول بھی کر چکی تھی، تو اب بہنوں کا بقیہ حصے میں نئی قیمت کے اعتبار سے مطالبہ کرنا درست نہیں ہے، وہ صرف اپنی طے کردہ قیمت میں سے بقیہ پچاس فیصد لینے کی حقدار ہیں۔