سوال:
مفتي صاحب !
آج کل کے حساب سےکتنے روپے ہوں تو حج فرض ہوتا ہے؟

جواب: حج ہر اس عاقل، بالغ مسلمان پر فرض ہوتا ہے، جس  کے پاس اپنے اور اپنے اہل و عیال کے واجبی خرچے پورے کرنے کے بعد اس قدر زائد رقم ہو، جس سے حج کےضروری اخراجات (وہاں کے قیام اور کھانے وغیرہ) اور  آنے جانے کا خرچ پورا ہوسکتا ہو، لہذا اگر آپ کے پاس اتنی رقم ہےکہ جس سے آپ کے دورانِ سفر اہل وعیال کا خرچ پورا ہوتا ہو اور حج کے اخراجات بھی مکمل ہوسکتے ہوں، تو حج فرض ہوگا، ورنہ نہیں۔ تاہم اگر اس حالت میں یعنی کہ آپ کے پاس اتنی رقم نہ ہو، اور آپ نے حج کرلیا، تو حج ادا ہو جائے گا۔