سوال: میرا سوال یہ ہے کہ ہم نے مختلف مریضوں کو بطور روحانی علاج کے مختلف قرآنی آیات پڑھ کر پانی پر دم کرنے اور اس دم کئے ہوئے پانی سے غسل کرنے کیلئے دیا۔ الحمد للہ! اس عمل سے لوگوں کو بے حد فائدہ ہوا ہے۔ معلوم یہ کرنا ہے کہ کیا قرآنی آیات کے دم کئے ہوئے پانی سے غسل خانے میں نہایا جاسکتا ہے یا نہیں؟

جواب: واضح رہے کہ قرآنی آیات کے دم کردہ پانی سے نہانا جائز ہے، البتہ بہتر یہ ہے کہ غسل کرنے کے بعد یہ پانی کسی پاک جگہ میں بہا دیا جائے،  قصدا گٹر وغیرہ میں بہانا خلاف ادب ہے۔