سوال:
اگر امام مسافر اور مقتدی مقیم ہو تو مقتدی امام کی اقتداء میں دو رکعت کی نیت کرے گا یا چار کی نیت کرنا ہوگی؟
جواب: واضح رہے کہ فرض نماز کی ادائیگی کے لیے مطلقا وقتی فرض کی نیت کرنا کافی ہے، تعدادِ رکعات کی تعیین کرنا ضروری نہیں ہے، لہذا مقیم مقتدی، مسافر امام کی اقتدا میں صرف وقتی فرض نماز کی نیت کرلے، دو یا چار رکعت کی تعیین نہ کرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
رد المحتار: (كتاب الصلاة، باب شروط الصلاة، 418/1، 420، ط: دار الفکر)
(ولا بد من التعيين عند النية)۔۔۔(لفرض) أنه ظهر أو عصر۔۔۔۔(دون) تعيين (عدد ركعاته) لحصولها ضمنا، فلا يضر الخطأ في عددها.
واللہ تعالٰی اعلم بالصواب
دارالافتاء الاخلاص،کراچی