عنوان: منت کا کفارہ(10111-No)

سوال: منت کا کفارہ کیا ہے اور اگر کھانا کھلانے کی منت مانی ہو تو کیا اس کے بدلے پیسے دے سکتے ہیں؟

جواب: منت کا کفارہ وہی ہے جو قسم کا کفارہ ہے، جس کی تفصیل سورۃ المائدہ کی آیت نمبر 89 میں ذکر کی گئی ہے، جس کا حاصل یہ ہے کہ دس مساکین کو صبح شام (دو وقت) پیٹ بھر کر کھانا کھلایا جائے یا دس مساکین میں سے ہر مسکین کو پونے دو کلو گندم یا اس کی قیمت دیدی جائے، یا دس مسکینوں کو ایک ایک جوڑا کپڑوں کا دیدیا جائے، اور اگر قسم کھانے والا غریب ہے اور مذکورہ امور میں سے کسی پر اس کو استطاعت نہیں ہے، تو پھر کفارہ قسم کی نیت سے مسلسل تین دن تک روزے رکھنے سے بھی قسم کا کفارہ ادا ہوجائے گا۔
منت کا کھانا کھلانے کے بجائے اگر کھانے کی قیمت مسکین کو دے دی جائے تو اس سے بھی منت پوری ہوجائے گی۔

۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:

القرآن الكريم: (المائدة، الآية: 89)
‌فَكَفَّٰرَتُهُۥٓ إِطۡعَامُ عَشَرَةِ مَسَٰكِينَ مِنۡ أَوۡسَطِ مَا تُطۡعِمُونَ أَهۡلِيكُمۡ أَوۡ كِسۡوَتُهُمۡ أَوۡ تَحۡرِيرُ رَقَبَةٖۖ فَمَن لَّمۡ يَجِدۡ فَصِيَامُ ثَلَٰثَةِ أَيَّامٖۚ ذَٰلِكَ كَفَّٰرَةُ أَيۡمَٰنِكُمۡ إِذَا حَلَفۡتُمۡۚ وَٱحۡفَظُوٓاْ أَيۡمَٰنَكُمۡۚ۔ ۔ ۔ إلخ

الدر المختار مع رد المحتار: (كتاب الايمان، 741/3، ط: دار الفکر)
(نذر ان يتصدق بعشرة دراهم من الخبز فتصدق بغيره جاز ان ساوي العشرة) كتصدقه بثمنه.
(قوله :جاز) اشار الي ان تعيين ما يشتري به مثل تعيين الزمان والمكان.

واللہ تعالٰی اعلم بالصواب
دارالافتاء الاخلاص،کراچی

Print Full Screen Views: 1423 Dec 27, 2022

Find here answers of your daily concerns or questions about daily life according to Islam and Sharia. This category covers your asking about the category of Ruling of Oath & Vows

Managed by: Hamariweb.com / Islamuna.com

Copyright © Al-Ikhalsonline 2024.