سوال: میں ہر چھٹی پر اپنے کام کی جگہ سے گھر جاتا ہوں، باقی دنوں میں جہاں ملازمت کرتا ہوں وہیں رہتا ہوں، ملازمت کی جگہ سے گھر کی مسافت 120 کلو میٹر ہے، براہ کرم آپ رہنمائی فرمائیں کہ مجھے نماز پوری پڑھنی چاہیے یا قصر نماز پڑھوں گا؟

جواب: پوچھی گئی صورت میں اگر آپ نے مذکورہ ملازمت کی جگہ میں اپنی رہائش اور رہائش کے لئے درکار ‏ضروری ساز وسامان رکھا ہوا ہے (چاہے یہ رہائش آپ کی ذاتی ہو، کرایہ کی ہو یا کسی ‏اور ذریعہ سے آپ کے قبضے میں آئی ہو) اور ملازمت کے آغاز سے لے کر اب تک آپ نے اس مقام میں ایک مرتبہ بھی پندرہ دن ‏یا اُس سے زیادہ ٹہرنے کی نیت کی ہو، اگر چہ باقاعدہ پندرہ دن ٹہرنے کی کبھی نوبت نہ آئی ہو تو یہ جگہ آپ کے لئے ‏وطن اقامت بن گئی ہے، لہذا اب جب بھی آپ یہاں ملازمت کے سلسلہ میں آئیں گے، پوری نماز پڑھیں ‏گے، قصر نہیں کریں گے، چاہے پندرہ ‏دن سے کم ہی کیوں نہ ٹھہریں، لیکن اگر ان دو شرطوں میں سے کوئی ایک شرط نہ ‏پائی جائے (یعنی جائے ملازمت میں ‏رہائش اور رہنے کا ضروری ساز وسامان نہ ہو یا کبھی پندرہ دن کی نیت ‏سے وہاں نہ ٹھہرے ہوں) تو اس جگہ پندرہ دن سے کم رہنے کی صورت میں آپ ‏مسافر رہیں گے اور نماز قصر پڑھیں گے۔