سوال:
سردیوں میں نماز کے وقت کا پتا ہی نہیں چلتا، کس طرح سے اپنے آپ کو وقت کا پابند کیا جائے، تاکہ وقت کے اوپر نماز ہو سکے؟
جواب: واضح رہے کہ نمازوں کی پابندی کے لیے آپ مندرجہ ذیل طریقے اختیار کرسکتی ہیں:
نمازوں کے اوقات معلوم کرکے ان اوقات کا الارم (Alarm) لگادیا کریں یا گھر میں کسی فرد کو بتادیں کہ وہ ہر نماز کے وقت یاد دہانی کرا دیا کرے یا اذان سنتے ہی فورا نماز پڑھ لیا کریں، ان تدابیر کے ذریعے نمازوں کو اپنے اوقات میں ادا کرنے کی پابندی کا اہتمام کیا جاسکتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
رد المحتار : ( 137/1، ط:دار الفكر)
أن أداء الصلاة في أول الوقت أفضل، إلا إذا تضمن التأخير فضيلة لا تحصل بدونه، كتكثير الجماعة؛ ولهذا كان أولى للنساء أن يصلين في أول الوقت؛ لأنهن لا يخرجن إلى الجماعة، كذا في مبسوطي شمس الأئمة وفخر الإسلام.
واللہ تعالٰی اعلم بالصواب
دارالافتاء الاخلاص کراچی