سوال:
کیا مسافر امام کے پیچھے ظہر، عصر اور مغرب کی نماز پڑھنا درست ہے؟
جواب: مسافر امام کے پیچھے مقیم مقتدی کا ظہر، عصر یا عشاء کی نماز پڑھنا درست ہے، البتہ جب مسافر امام اپنی نماز مکمل کرکے سلام پھیرےگا تو مقیم مقتدی اپنی بقیہ نماز بغیر قراءت کے مکمل کرے گا، اس لیے کہ مقیم مقتدی بقیہ دو رکعتوں میں لاحق کے حکم میں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الدر المختار مع رد المحتار: (باب صلاة المسافر، 129/2، ط: دار الفکر)
(وصح اقتداء المقيم بالمسافر في الوقت وبعده فاذا قام ) المقيم (الي الاتمام لايقرأ) ولا يسجد للسهو (في الاصح) لانه كلاحق.
واللہ تعالٰی اعلم بالصواب
دارالافتاء الاخلاص،کراچی