سوال:
بعض لوگ حروف مقطعات لکھ کر گھر یا دکان وغیرہ کے دروازے پر لگاتے ہیں، کیا یہ درست ہے؟
جواب: حروف مقطعات کی کوئی خاص فضیلت احادیث مبارکہ سے ثابت نہیں ہے، البتہ چونکہ قرآن مجید کے تمام کلمات باعث برکت ہیں، اس لیے برکت حاصل کرنے کے لیے حروف مقطعات کو کاغذ وغیرہ پر لکھ کر گھر یا دوکان میں لٹکانا جائز ہے، بشرطیکہ بے ادبی کا احتمال نہ ہو اور اسے سنت یا لازم نہ سمجھا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الفتاوی الھندیة: (70/1)
ولیس بمستحسن کتابة القراٰن علی المحاریب والجدران لمایخاف من سقوط الکتابة وان توطأالیٰ ان قال فالواجب ان یوضع فی اعلیٰ موضع فوقه شیٔ وکذا یکرہ کتابة الرقاع والصاقھا بالابواب لما فیہ من الاھانة کذا فی الکفایة.
واللّٰه تعالٰی اعلم بالصواب
دارالافتاء الاخلاص،کراچی