سوال: اگر کوئی دوکاندار کسی بل (جو صحیح قیمتیں لگا کر 10,000 کا بن رہا ہو) میں رد و بدل کر کے اسے 25,000 کا بنائے اور اس میں سے 10,000 کمیشن کے طور پر کسی کو دے تو کیا اس دوکاندار کے لئے ایسا کرنا جائز ہے؟ نوٹ: جو شخص کمیشن لے رہا ہے وہ اپنے Client کو بھروسہ دلا کر لاتا ہے کہ یہ اس کی دوکان ہے اور آپ کو صحیح جگہ سے سامان دلا رہا ہوں۔

جواب: پوچھی گئی صورت میں خریدار کے ساتھ پہلے سے طے کیے بغیر اس کے بل میں کمشین کی رقم شامل کرکے کمیشن وصول کرنا غلط بیانی اور دھوکہ دہی پر مشتمل ہونے کی وجہ سے جائز نہیں ہے، اس سے اجتناب لازم ہے، البتہ اگر کمیشن لینا مقصود ہو تو پہلے سے باہمی رضامندی کے ساتھ طے کیا جائے کہ آپ کو صحیح جگہ سے سامان لیکر دوں گا اور اس کے عوض میرا اتنا کمیشن ہوگا، پھر طے شدہ کمیشن لیا جاسکتا ہے۔