سوال: نماز میں سورہ فاتحہ اور قراءت کے درمیان کسی چیز کے خیال آنے سے یا یہ سوچنے سے کہ قرآن مجید کی قراءت کدھر سے شروع کرے تھوڑا سا وقفہ ہوجائے تو اس سے نماز میں خرابی تو نہیں آتی ہے؟

جواب: واضح رہے کہ اگر نمازی سورہ فاتحہ پڑھنے کے بعد بھول کر یا کسی سورت کے انتخاب کے لیے ایک رکن (تین مرتبہ سبحان اللہ معتدل رفتار کے ساتھ کہنے) کے بقدر یا اس سے زیادہ خاموش رہا تو اس کے ذمہ سجدہ سہو کرنا لازم ہوگا، اور اگر ایک رکن کی مقدار سے کم خاموش رہا تو اس صورت میں سجدہ سہو لازم نہیں ہوگا۔