سوال: عام لوگوں کا کہنا ہے کہ جب تک والدہ مرحوم بچوں کی قبر پر نہیں جاتی، فرشتے والدہ کے روپ میں بچوں سے ملنے آتے ہیں اور والدہ کے قبر پر جانے کے بعد فرشتے اس روپ میں نہیں آتے، اس بارے میں کتنی صداقت ہے؟ رہنمائی فرمادیں۔

جواب: واضح رہے کہ اس بات "جب تک والدہ مرحوم بچوں کی قبر پر نہیں جاتی، تب تک فرشتے والدہ کے روپ میں بچوں سے ملنے آتے ہیں" کی شریعت میں کوئی حقیقت نہیں ہے اور یہ بات شرعاً کیسے درست ہو سکتی ہے، جبکہ خواتین کو قبرستان جانے سے شریعت میں منع کیا گیا ہے۔