سوال: میں ایک پیزے کے ریسٹورنٹ میں کام کرتا ہوں، یہاں رواج ہے کہ لوگ ویٹر کی کارکردگی سے خوش ہوکر کچھ رقم ٹپ کے طور پر دیتے ہیں، کیا میرے لیے ٹپ کی رقم لینا درست ہے؟

جواب: واضح رہے کہ جو لوگ آپ کے مطالبہ کے بغیر اپنی خوشی سے ٹپ دیں، ان سے رقم لینا حلال ہے، لیکن ٹپ کو اپنا حق سمجھ کر اس کا مطالبہ کرنا، اور نہ دینے والے کو برا بھلا کہنا، حقیر سمجھنا یا اس کو دی جانے والی خدمات (سروس) میں کوتاہی کرنا جائز نہیں ہے۔