سوال: کیا والدین کی زندگی میں ان کی جائیداد میں حصہ کے لیے اولاد اپنے والدین پر کیس کرسکتی ہے؟ نیز کیا اولاد کو عاق کرنے کا شریعت میں کوئی تصور ہے؟

جواب: ۱) واضح رہے کہ شرعی طور پر وراثت مرنے کے بعد جاری ہوتی ہے، والدین کی زندگی میں ان کی جائیداد میں اولاد کا کوئی حق و حصہ نہیں ہوتا ہے، لہٰذا والدین کی زندگی میں ان کی جائیداد میں سے جبرا اپنے لیے حصہ کا مطالبہ کرنا یا اس کے لیے والدین کے خلاف کیس کرنا جائز نہیں ہے۔
۲) شرعا والدین کے لیے اپنی جائیداد سے اولاد کو عاق کرنے کی کوئی حیثیت نہیں ہے، لہذا اگر والدین اولاد میں سے کسی کو اپنی جائیداد سے عاق کر بھی دیں، تب بھی ان کی وفات کے بعد اس عاق کیے ہوئے بچے کو اپنے والدین کی میراث میں سے حصہ ملے گا۔