عنوان: ایزی پیسہ اکاؤنٹ سے پیکج (Package) کرنے پر اضافی رقم لینا(10609-No)

سوال: میرا ایزی پیسہ اکاؤنٹ ہے اور اس اکاؤنٹ سے اگر میں کسی کو موبائل پیکج کر دوں اور اس پر 20 یا 30 روپے اضافی لوں، مثلا: ایک پیکج ایزی پیسہ میں 100 روپے کا ہے اور کمپنی کی طرف سے اس کی قیمت بھی 100 روپے ہے اور میں یہ پیکج 120 میں کروں تو میرے لیے یہ اضافی رقم لینا کیسا ہے؟
نوٹ: واضح رہے کہ پیکج کرنے یا نہ کرنے پر میرا کمپنی سے کوئی معاملہ نہیں ہے اور ایزی پیسہ اکاؤنٹ میں رقم بھی میری اپنی ہے۔

جواب: پوچھی گئی صورت میں پیکج (Package) کرنے پر اضافی رقم کا کسٹمر کو علیحدہ سے بتا کر باہمی رضامندی سے طے شدہ متعین رقم لینے میں کوئی حرج نہیں ہے، کیونکہ یہ سروس فراہم کرنے کی اجرت ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:

الفتاوى الهندية: (409/4، ط: دار الفکر)
(أما تفسيرها شرعا) فهي عقد على المنافع بعوض، كذا في الهداية.

و فیها ایضا: (411/4)
وأما شرائط الصحة فمنها رضا المتعاقدين ۔۔۔۔۔ ومنها أن تكون الأجرة معلومة.

واللہ تعالیٰ أعلم بالصواب
دار الافتاء الاخلاص،کراچی

Print Full Screen Views: 613 Jun 13, 2023
easy paisa account se / say package karne per izafi raqam lena

Find here answers of your daily concerns or questions about daily life according to Islam and Sharia. This category covers your asking about the category of Employee & Employment

Managed by: Hamariweb.com / Islamuna.com

Copyright © Al-Ikhalsonline 2024.