سوال: اگر کسی شخص نے حکمت کا کورس نہیں کیا ہو، لیکن دوائی دے رہا ہو تو کیا یہ جاٸز ہے؟

جواب: جس شخص نے باقاعدہ علم طب/حکمت نہ سیکھا ہو تو اس کا اپنے آپ کو حکیم یا طبیب کہلانا غلط بیانی اور دھوکہ دہی کی وجہ سے ناجائز ہے٬ تاہم جو شخص اس فیلڈ میں ماہر ہو٬ اگرچہ اس نے باقاعدہ کوئی کورس نہ کیا ہو، لیکن کسی ماہر حکیم کے ساتھ رہ کر یا کسی اور طریقے سے یہ علم حاصل کیا ہو اور اپنی جائز خدمات (Services) کے عوض طے شدہ فیس وصول کرے تو وہ کمائی فی نفسہ حلال ہوگی٬ اس کمائی کو حرام نہیں کہا جائے گا٬ البتہ اگر اس میں حکومتی جائز قانون کی خلاف ورزی پائی جائے تو حکومتی قانون کی خلاف ورزی کا گناہ ہوگا۔