سوال: جمعہ کی شب سے کیا مراد ہے؟ جمعرات اور جمعہ کی درمیانی شب یا کچھ اور؟ میں سورہ دخان روزانہ صبح میں پڑھتا ہوں تاکہ ساتھ ہی سورہ یٰس، سورہ رحمن، سورہ واقعہ، سورہ ملک اور ساتھ ہی سورہ کہف کی پہلی و آخری دس آیات بھی پڑھ لوں، مگر جمعہ کے دن پوری سورہ کہف پڑھتا ہوں، میرے لیے کیا حکم ہے؟

جواب: واضح رہے کہ جمعرات کو سورج غروب ہونے کے بعد سے لے کر جمعة المبارک کی صبح صادق ہونے تک کا دورانیہ "شبِ جمعہ" کہلاتا ہے اور سورہ کہف شب جمعہ سے جمعہ کے دن سورج غروب ہونے تک پڑھی جاسکتی ہے۔