سوال: مفتی صاحب! میں نے اپنی بہن کے پاس اپنا سونا رکھوایا تھا اور وہ ان کے گھر سے چوری ہوگیا تو کیا میں اس سونے کی رقم اپنی بہن سے مانگ سکتا ہوں؟

جواب: واضح رہے کہ اگر آپ نے اپنی بہن کے پاس سونا بطور امانت رکھوایا تھا اور انہوں نے اسے پوری حفاظت سے رکھا، مگر اس کے باوجود ان کی غفلت اور کوتاہی کے بغیر سونا چوری ہوگیا تو آپ کی بہن پر اس سونے کا تاوان نہیں آئے گا، البتہ اگر انہوں نے سونے کی حفاظت میں غفلت اور کوتاہی سے کام لیا، یعنی جیسے عام طور پر جس قدر سونے کو محفوظ رکھنا ہوتا ہے، ویسے نہ رکھا تو ایسی صورت میں سونا چوری ہونے پر ان کے ذمہ سونے کا تاوان آئے گا۔