سوال: مجھے قمری مہینی کا بتادیں کہ قمری مہینہ سے کیا مراد ہے؟ کیونکہ میں حجامہ لگوانا چاہتا ہوں۔

جواب: قمری مہینے سے مراد چاند کے حساب سے چلنے والا تاریخوں کا نظام ہے، قمری تقویم میں مہینہ نیا چاند دیکھ کر شروع ہوتا ہے، اور جب تیس یا انتیس دنوں بعد دوبارہ نیا چاند نظر آتا ہے تو یہ مہینہ ختم ہوجاتا ہے اور اگلا مہینہ شروع ہوجاتا ہے۔
"ہجری کلینڈر" بھی قمری تقویم ہے، اور ماہ محرم الحرام ہجری کلینڈر کا پہلا قمری مہینہ ہے۔
احادیث مبارکہ کے مطابق قمری مہینے کی سترہ، انیس اور اکیس تاریخ کو حجامہ لگوانا زیادہ فائدہ مند ہے اور دنوں میں سے پیر، منگل اور جمعرات کو حجامہ لگوانا مفید ہے۔
(مزید تفصیل کے لیے دارالافتاء الاخلاص کا فتویٰ نمبر :9796 ملاحظہ فرمائیں)