سوال:
السلام علیکم ورحمۃ اللہ وبرکاتہ! کینیڈا کے حوالے سے بات یہ پوچھنی ہے کہ وہاں کے ڈاکٹر نے جو دوائیاں لکھی ہیں، اس کے ingredient میں جیلاٹن بھی موجود ہے تو کیا وہ دوائیاں لے سکتے ہیں؟ جزاک اللہ خیر
جواب: سوال میں ذکر کردہ صورت میں چونکہ کینیڈا غیر مسلم ملک ہے اور غیر مسلم ممالک میں جیلاٹین (Gelatin) عموماً خنزیر یا کسی اور غیر مذبوحہ مردار جانور سے حاصل کیا جاتا ہے، لہذا کسی بھی غیر مسلم ملک کے جیلاٹین پر مشتمل دوا کا استعمال اس وقت تک جائز نہیں ہے جب تک اس کے حلال طریقے سے اخذ کرنے کا یقین یا غالب گمان نہ ہو۔
تاہم اگر مریض اضطرار کی حالت میں ہو اور ماہر مسلمان ڈاکٹر اس دوا کو تجویز کرتا ہو اور اس دوا میں شفا کا یقین یا غالب گمان ہو اور اس کے علاوہ کوئی متبادل دوا بھی نہ ہو تو بقدر ضرورت اس دوا کے استعمال کی اجازت ہوگی، البتہ اگر مریض اضطرار کی کیفیت میں مبتلا نہ ہو، لیکن اسے اس دوا کی شدید حاجت ہو اور اس دوا کا متبادل بھی میسر نہ ہو اور اس میں جیلاٹین کا استعمال بھی معمولی ہو تو چونکہ بعض علماء کے نزدیک خنزیر کے علاوہ دوسرے مردار جانور کی کھال دباغت سے پاک ہونے کے ساتھ ساتھ حلال بھی ہو جاتی ہے، لہذا اس خاص صورت میں ان علماء کے نزدیک ایسی دوا استعمال کرنے کی گنجائش ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
رد المحتار: (203/1، ط: دار الفكر)
(قوله فيصلي به إلخ) أفاد طهارة ظاهره وباطنه لإطلاق الأحاديث الصحيحة خلافا لمالك، لكن إذا كان جلد حيوان ميت مأكول اللحم لا يجوز أكله، وهو الصحيح {حرمت عليكم الميتة} [المائدة: ٣] وهذا الجزء منها. وقال - عليه الصلاة والسلام - في شاة ميمونة - رضي الله عنها - «إنما يحرم من الميتة أكلها» مع أمره لهم بالدباغ والانتفاع، أما إذا كان جلد ما لا يؤكل فإنه لا يجوز أكله إجماعا؛ لأن الدباغ فيه ليس بأقوى من الذكاة، وذكاته لا تبيحه فكذا دباغه بحر عن السراج.
فقه البيوع: (1/296، ط: مكتبة معارف القرآن)
وبما أن عظم حيوان غير المذكى طاهر، وأن جلده يطهر بالدباغ، فإن الجيلاتين المتخذ منهما طاهر، ويجوز استعماله في غير الأكل باتفاق الحنفية أما استعماله في الأكل فالصحيح المفتى به عند الحنفية أنه لا يجوز ولكن هناك قول عند الحنفية والشافعية في جواز أكله ويسوغ العمل به للتداوي بالكيبسولات المتخذة من الجيلاتين بشرط أن لا تكون متخذة من جلد الخنزير وعظمه.
کذا فی تبویب فتاوی دارالعلوم کراتشی: (4/1252)
واللہ تعالٰی اعلم بالصواب
دارالافتاء الاخلاص کراچی