سوال: کیا احرام کی حالت میں الکحل سے بنا ہینڈ سینیٹائزر(Hand Sanitizer) استعمال کیا جا سکتا ہے؟

جواب: اگر سینیٹائزر ایسا ہو جس میں خوشبو نہ ہو تو حالت احرام میں اس کا استعمال جائز ہے اور اگر اس میں خوشبو شامل ہو تو احرام میں اس کے استعمال سے اجتناب کرنا ضروری ہے، تاہم اگر کسی نے بیماری کے عذر کی وجہ سے ایسا سینیٹائزر استعمال کرلیا (جبکہ اس میں خوشبو کی مقدار زیادہ نہ ہو، بلکہ مغلوب ہو) تو اس پر پونے دو کلو گندم یا اس کی قیمت صدقہ کرنا یا ایک روزہ رکھنا لازم ہوگا اور اگر بیماری کے عذر کے بغیر استعمال کیا ہو تو ایسی صورت میں دم واجب ہوگا۔