سوال: مفتی صاحب امید ہے آپ خیریت سے ہوں گے۔میرا سوال یہ ہے کہ عورت جب احرام کی حالت میں ہو اور اس کے ساتھ چھوٹے بچے ہوں تو اکثر اوقات بچوں کے پیمپر تبدیل کرنے پڑتے ہیں جس سے ہاتھ پر نجاست بھی لگ جاتی ہے۔ اس صورت میں کیا عورت کے لیے بأمر مجبوری اس بات کی اجازت ہے کہ وہ صابن کے ساتھ ہاتھ دھوئے؟
اسی طرح ایک عام محرم اگر قضائے حاجت کرتا ہے تو استنجاء کے بعد اسے اپنے ہاتھوں پر بُو محسوس ہوتی ہے تو کیا وہ صرف انگلیوں پر صابن لگا کر بُو دور کر سکتا ہے؟

جواب: واضح رہے کہ احرام کی حالت میں خوشبودار صابن استعمال کرنا جائز نہیں ہے، البتہ ہاتھوں سے گندگی اور بُو دُور کرنے کے لئے کوئی بھی ایسا سادہ صابن استعمال کیا جاسکتا ہے جس میں خوشبو نہ ہو۔