سوال:
کیا لڑکیوں کا واش روم میں کھڑے ہو کر بال برش کرنا غلط ہے؟ ٹوٹے ہوئے بالوں کو اس نیت سے واش روم میں رکھنا کہ بعد میں وقت ملنے پر زمین میں دفن کر دوں گی، کیا ایسا کرنا درست ہے؟ میری والدی کہتی ہے کہ لڑکیوں کو یہ دونوں کام نہیں کرنے چاہیے۔
جواب: 1) بیت الخلاء میں بالوں میں کنگھی کرنا شرعاً منع نہیں ہے۔
2) ٹوٹے ہوئے بالوں کو ڈبے میں ڈال کر بیت الخلاء میں رکھنا تاکہ بعد میں کسی جگہ دفن کردیا جائے، اس میں کوئی ممانعت والی بات نہیں، البتہ چونکہ اس میں بیت الخلاء میں بال گرنے کا اندیشہ ہے، جو کہ نفاست کے بھی خلاف ہے، اس لیے بہتر یہی ہے کہ بالوں کا یہ ڈبہ بیت الخلاء سے باہر کسی جگہ رکھا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
حاشية الطحطاوي على مراقي الفلاح: (ص: 343، ط: المطبعة الكبرى الأميرية)
وفي الخانية ينبغي أن يدفن قلامة ظفره ومحلوق شعره وإن رماه فلا بأس وكره إلقاؤه في كنيف أو مغتسل لأن ذلك يورث داء وروي أن النبي صلى الله عليه وسلم أمر بدفن الشعر والظفر وقال لا تتغلب به سحرة بني آدم اه ولأنهما من أجزاء الآدمي فتحترم وروى الترمذي عن عائشة رضي الله عنها كان صلى الله عليه وسلم أمر بدفن سبعة أشياء من الإنسان الشعر والظفر.
واللہ تعالٰی اعلم بالصواب
دارالافتاء الاخلاص،کراچی