سوال: ایک شخص ایڈوانس میں زکوۃ دیتا رہا، مثلاً دو لاکھ روپے اس نے تھوڑے تھوڑے کر کے ایڈوانس زکوۃ میں ادا کر دیے، سال کے اخر میں حساب کیا تو اس کے پاس مثلاً 80 لاکھ روپے تھے، اب وہ دو لاکھ روپے تو ویسے بھی ایڈوانس زکوۃ میں ادا کر چکا ہے تو اب وہ 82 لاکھ کا حساب کرے گا زکوۃ میں یا 80 لاکھ کا حساب کرے گا؟
سوال اس لیے پیدا ہوا کہ اگر یہ شخص ایڈوانس زکوۃ ادا نہ کرتا تو آج اس کے پاس 82 لاکھ روپے ہوتے اور وہ 82 لاکھ کی زکوۃ کا حساب کرتا اور دو لاکھ روپے زکوۃ دے دیتا، اب جب کہ وہ سال کے شروع سے ہی زکوۃ دیتا چلا آرہا ہے اور دو لاکھ روپے اب تک دے چکا ہے، مگر اس کی ملکیت میں فی الحال 80 لاکھ روپے ہیں تو وہ اگر 80 لاکھ سے حساب کرے گا تو زکوۃ کچھ کم بنے گی تو یہ سمجھنا ہے کہ زکوۃ کا حساب 82 لاکھ سے کرے گا یا 80 لاکھ سے کرے گا؟

جواب: واضح رہے کہ جو رقم سال پورا ہونے سے پہلے ہی زکوة کی مد میں دے دی ہو تو سال کے آخر میں حساب کرتے ہوئے اس رقم کو شامل نہیں کیا جائے گا، بلکہ موجودہ قیمت کا حساب کرکے اس کی زکوة دی جائے گی، لہذا پوچھی گئی صورت میں اسی لاکھ پر زکوة دی جائے گی۔