سوال: السلام علیکم! مفتی صاحب! پوچھنا یہ ہے کہ ایک ایسی ویب سائٹ ہے جو بغیر کسی ڈپازٹ اور بغیر کسی چارجز کے روزانہ 5 ملٹی نیشنل اشتہاری ویڈیوز فراہم کرتی ہے۔ ہر ویڈیو 30 سے ​​40 سیکنڈ طویل ہے، اور ویب سائٹ ہمیں کچھ ڈالر ادا کرتی ہے۔ ایک خاص رقم کے بعد ہم اسے اپنے بینک اکاؤنٹ میں نکال لیں گے تو کیا اس طرح کمائی کرنا جائز ہے؟

جواب: جائز اشتہارات دیکھنے کے عوض حاصل ہونے والی کمائی جائز ہے٬ بشرطیکہ اس میں کوئی اور شرعی خرابی نہ پائی جائے۔
لیکن ناجائز امور جیسے خواتین کی تصاویر٬ ویڈیوز یا میوزک وغیرہ پر مشتمل اشتہارات اور ناجائز کاروبار کرنے والی کمپنیوں کے اشتہارات دیکھ کر کمائی حاصل کرنا جائز نہیں ہے٬ نیز مروّجہ اشتہارات میں عموماً اس کا لحاظ نہیں رکھا جاتا٬ بلکہ ناجائز اشتہارات بکثرت چلائے جاتے ہیں٬ اس لئے حتی الامکان اشتہارات والی آمدن کو ذریعہ معاش بنانے سے اجتناب کرنا چاہیے۔