عنوان: سورة آل عمران ، آیت نمبر ۵٩ کا ترجمہ و تفسیر(101192-No)

سوال: ان مثل عیسی عند اللہ کمثل ادم الخ اس آیت کی تشریح فرما دیں۔

جواب: " ان مثل عیسیٰ عند اللہ کمثل آدم خلقہ من تراب ثم قال لہ کن فیکون "
( سورۃ آل عمران : ۵٩ )

ترجمہ :
اللہ کے نزدیک عیسی کی مثال آدم جیسی ہے ؛ اللہ نے انہیں مٹی سے پیدا کیا ، پھر ان سے کہا : " ہو جاؤ " بس وہ ہو گئے ۔
تفسیر :
اللہ تعالیٰ اپنی قدرت کاملہ کا بیان اس میں فرماتے ہیں ، وہ یہ کہ حضرت عیسی علیہ السلام کی مثال اللہ تعالیٰ کے نزدیک ایسی ہے جیسے حضرت آدم علیہ السلام کی ، جیسے حضرت عیسی علیہ السلام کو بغیر باپ کے پیدا فرمایا، اسی طرح حضرت آدم علیہ السلام کو بھی بغیر ماں باپ کے پیدا فرمایا ، بلکہ مٹی سے پیدا فرمایا ہے۔
پس جو ذات آدم علیہ السلام کو بغیر ماں باپ کے پیدا کر سکتی ہے، تو وہ حضرت عیسیٰ علیہ السلام کو بطریق اولی بغیر باپ کے بھی پیدا کر سکتی ہے۔
اور اس آیت مبارکہ سے قیاس کا حجت شرعیہ ہونا بھی معلوم ہوتا ہے، کہ یہاں اللہ تعالیٰ نے حضرت عیسیٰ علیہ السلام کی پیدائش کو حضرت آدم علیہ السلام کی پیدائش پر قیاس کرنے کی طرف اشارہ فرمایا ہے۔
لہذا قیاس سے بھی احکام شریعت کا ثبوت ہو سکتا ہے۔
( ماخوذ از تفسیر معارف القرآن، آسان ترجمہ قرآن اور تفسیر ابن کثیر)

واللہ تعالٰی اعلم بالصواب
دارالافتاء الاخلاص، کراچی
Print Views: 231
surah aal Imran ,ayat number 59 ka tarjuma o tafseeer

Find here answers of your daily concerns or questions about daily life according to Islam and Sharia. This category covers your asking about the category of Interpretation of Quranic Ayaat

Copyright © AlIkhalsonline 2021. All right reserved.

Managed by: Hamariweb.com / Islamuna.com