سوال: میرا سوال ہے کہ صلوة التسبیح کو چار رکعت کی ہی نیت سے پڑھنا چاہیے یا دو دو رکعت کرکے بھی پڑھ سکتے ہیں؟

جواب: واضح رہے کہ جن احادیثِ مبارکہ میں صلاۃ التسبیح کی فضیلت وارد ہے، ان کے ظاہر سے یہی معلوم ہوتا ہے کہ یہ چار رکعت پر مشتمل ایک مربوط نماز ہے، جسے دو قعدوں اور ایک سلام کے ساتھ ادا کیا جائے گا، اس لیے بہتر یہی ہے کہ یہ نماز ایک سلام کے ساتھ ہی ادا کی جائے۔ تاہم چونکہ احادیث مبارکہ میں یہ نماز ایک سلام کے ساتھ پڑھنے کی صراحت وارد نہیں ہے، لہذا اگر کوئی دو سلاموں کے ساتھ ادا کرنا چاہے تو اس کی بھی گنجائش ہے۔