سوال: السلام علیکم
مفتی صاحب ! سوال ہے کہ ایک شخص کے پاس کئی پلاٹ ہیں اور وہ اس نے اس نیت سے رکھے ہیں کہ میرے بعد بچوں کے ہو جائیں گے۔ تو کیا ان پر زکوة دینا ہو گی؟
اور اگر وہ شخص زندگی میں بتا جائے کہ سب کا ایک ایک ہے، لیکن نام پر اس کے اپنے ہی ہوں، ایسی صورت میں زکوة کا کیا حکم ہے؟
رہنمائی فرمائیں۔

جواب: واضح رہے کہ صورت مسئولہ میں اولاد اگر بالغ ہو ( ساری اولاد بالغ ہو یا ان میں سے کچھ اولاد ) اور ان کو جائیداد ( پلاٹ وغیرہ) ہدیہ کی جائے، تو جب تک وہ جائیداد حسی طور پر ان کے قبضہ میں نہیں آجاتی، وہ جائیداد بدستور آپ کی ملکیت میں ہے، لہذا اگر وہ جائیداد تجارت کی نیت سے ہے ، تو آپ پر اس کی زکوٰة واجب ہوگی۔
اور اگر اولاد نابالغ ہو، تو ان کو ہدیہ کرتے ہی وہ ان کی ملکیت میں چلی گئی، خواہ جائیداد آپ کے ہی قبضہ میں ہو، چونکہ نابالغ پر اس کے مال میں زکوٰة فرض نہیں ہے، لہذا اس جائیداد پر زکوٰة نہیں ہوگی۔