سوال: مفتی صاحب! میں ایک ادارہ میں ملازم ہوں، مجھے میری تنخواہ کے ساتھ ایک خدمت گار کی تنخواہ بھی ملتی ہے، میں اپنی بچت کے لئے اپنے سارے کام خود کرلیتا ہوں، میرے ماں باپ بوڑھے ہیں اور ان کے پاس کوئی خدمت کرنے والا نہیں ہے، کیا میں ان کے لیے خدمت گار رکھ سکتا ہوں اور نئی تنخواہ مقرر کرسکتا ہوں؟

جواب: سوال میں ذکر کردہ صورت میں اگر ادارے کی طرف سے آپ کو اس بات کا مکمل اختیار حاصل ہو کہ چاہے آپ اس رقم کے ذریعے اپنے لیے کوئی خدمت گار رکھیں یا چاہے تو اس رقم کو اپنی دیگر ذاتی ضروریات میں خرچ کریں تو ایسی صورت میں آپ کے لیے یہ رقم اپنی دیگر ضروریات میں خرچ کرنا جائز ہوگا، اور اس رقم سے آپ اپنے والدین کی خدمت کے لیے کوئی خدمت گار بھی رکھ سکتے ہیں، جس کی تنخواہ باہمی رضامندی سے کچھ بھی طے کی جاسکتی ہے۔
لیکن اگر یہ رقم صرف خدمت گار رکھنے کے لیے ہی جاری ہوتی ہو اور ادارے کی طرف سے اسے دیگر ضروریات میں خرچ کرنے کی اجازت نہ ہو تو ایسی صورت میں آپ کے لیے یہ رقم اپنی دیگر ضروریات میں خرچ کرنا جائز نہیں ہوگا۔