سوال: ایک شخص نماز نہیں پڑھتا ہے، روزے بھی نہیں رکھتا ہے اور مال دار ہونے کے باوجود حج اور زکوٰۃ کی ادائیگی بھی نہیں کرتا ہے، لیکن نفلی عبادت مثلا: ایصال ثواب وغیرہ کرتا ہے۔ آیا اس شخص کی نفلی عبادت اللہ تعالیٰ کے ہاں مقبول ہوگی؟

جواب: واضح رہے کہ فرائض کا اہتمام ہر حال میں ضروری ہے، تاہم نفلی عبادت کی اپنی جگہ اہمیت ہے۔ نوافل کی قبولیت کا انحصار اور دار و مدار فرائض کے مکمل ہونے كی شرط پر موقوف نہیں ہے، لہٰذا سوال میں ذکر کردہ شخص پر نماز، روزے، زکوٰۃ اور حج کا اہتمام ضروری اور فرض ہے، ان میں کوتاہی کرنا کسی طرح بھی جائز نہیں ہے۔ تاہم اگر ایسا شخص محض اللہ کی رضا کے لیے کبھی نفلی اعمال کرلیتا ہے تو ان شاء اللہ وہ اپنی جگہ مقبول ہوں گے۔