سوال:
جناب ایک حدیث کا مفہوم بیان کرتا ہوں کہ لا حول ولا قوۃ الا باللہ ننانوے بیماریوں کی شفاء ہے، جس میں سب سے ادنی غم ہے، بعض جگہ میں نے پڑھا ہے کہ یہ حدیث ضعیف ہے، اگر ایسا ہے تو کیا ہم اس پر عمل کر سکتے ہیں؟ کیونکہ میں نے یہ حدیث ذکر اذکار کی کئی کتابوں میں پڑھی ہے۔
جواب: جی ہاں ! یہ حدیث درست ہے اور اگر بالفرض یہ حدیث ضعیف بھی ہو، تو فضائل کے باب میں اس پر عمل کرنے کی فقہاء کرام نے اجازت دی ہے، لہذا اس کو پڑھنے میں کوئی حرج نہیں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
مسند اسحاق بن راھویہ: (464/1، ط: مکتبۃ الایمان)
عن أبي هريرة رضي الله عنه، عن رسول الله صلى الله عليه وسلم قال: " من قال: لا حول ولا قوة إلا بالله كانت له دواء من تسعة وتسعين داء أيسرها الهم "
رد المحتار: (23/2، ط: دار الفکر)
الحديث الضعيف يجوز العمل به في الفضائل
واللہ تعالٰی اعلم بالصواب
دارالافتاء الاخلاص،کراچی