سوال:
پلاٹ خریدتے وقت تجارت کی نیت نہ ہو تو اس صورت میں پلاٹ پر زکوٰۃ واجب ہوگی؟
جواب: واضح رہے کہ پلاٹ پر زکوة کے وجوب سے متعلق ضابطہ یہ ہے کہ جو پلاٹ تجارت کی نیت سے خریدا جائے، اُس پر زکوة واجب ہوتی ہے اور جو پلاٹ رہائش کی نیت سے خریدا جائے، اُس پر زکوة واجب نہیں ہوتی، اگر کوئی پلاٹ رہائش کی نیت سے خریدا جائے، پھر بعد میں اُس کو بیچنے کا ارادہ ہو جائے تو محض بیچنے کے ارادے سے بهی اُس کی رقم پر زکوة واجب نہ ہوگی، بلکہ جب اُس کو بیچ دیا جائے گا، پھر اُس کی رقم پر زکوة کے ضابطہ کے مطابق زکوة واجب ہوگی۔
لہذا صورتِ مسئولہ میں جو پلاٹ تجارت کی نیت سے نہیں خریدا گیا ہے، اُس پلاٹ پر زکوۃ واجب نہیں ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الدر المختار: (265/2، ط: دار الفکر)
(ولا في ثياب البدن)۔۔(وأثاث المنزل ودور السكنى ونحوها) وكذا الكتب وإن لم تكن لأهلها إذا لم تنو للتجارة۔۔۔۔۔۔۔۔(وشرطه) أي شرط افتراض أدائها (حولان الحول)۔۔۔۔۔۔(أو نية التجارة) في العروض، إما صريحا ولا بد من مقارنتها لعقد التجارة كما سيجيء، أو دلالة بأن يشتري عينا بعرض التجارة أو يؤاجر داره التي للتجارة بعرض
فتح القدیر: (168/2، ط: دار الفکر)
"(ومن اشترى جاريةً للتجارة ونواها للخدمة بطلت عنها الزكاة)؛ لاتصال النية بالعمل وهو ترك التجارة، (وإن نواها للتجارة بعد ذلك لم تكن للتجارة حتى يبيعها فيكون في ثمنها زكاة)؛ لأن النية لم تتصل بالعمل إذ هو لم يتجر فلم تعتبر".
واللہ تعالٰی اعلم بالصواب
دارالافتاء الاخلاص،کراچی