عنوان: لوحِ محفوظ کی وضاحت(100143-No)

سوال: حضرت ! پوچھنا یہ ہے کہ لوح محفوظ کیا چیز ہے؟

جواب: لوح محفوظ یعنی اللہ کی علمی کتاب جس کے اندرتمام مخلوق کی تقدیریں لکهی هوئی ہیں.
بغوی نے سند کے ساتھ حضرت ابن عباس کا قول نقل کیا ہے کہ سر لوح پر لکھا ہوا ہے ‘ اللہ اکیلا ہے ‘ اللہ کے سوا کوئی معبود نہیں، اس کا دین اسلام ہے، محمد (صلی اللہ علیہ وآلہ وسلم) اسکے رسول اور بندے ہیں، جو اللہ پر ایمان رکھے گا، اللہ کے وعدہ کی تصدیق کرے گا اور اس کے پیغمبروں کا اتباع کرے گا، اللہ اس کو جنت میں داخل کرے گا۔ لوح محفوظ سفید موتی کی طرح ہے، اس کا طول اتنا ہے جتنا زمین سے آسمان اور عرض اتنا ہے جیسے مشرق سے مغرب۔ اس کے دونوں کنارے موتی اور یاقوت کے ہیں اور (اوّل و آخر کے) دونوں پٹھے یاقوت سرخ کے،اس کا قلم نور کا اور تحریر نور کی ہے، وہ عرش سے وابستہ ہے،اس کی جڑ ایک فرشتے کی گود میں ہے۔ مقاتل نے کہا : لوح محفوظ عرش کے دائیں طرف ہے۔

۔۔۔۔۔۔۔۔۔۔۔۔۔۔۔۔۔۔
دلائل:

کما فی تفسیر البغوی:

عن ابن عباس قال: إن في صدر اللوح لا إله إلا الله وحده، دينه الإسلام ومحمد عبده ورسوله، فمن آمن بالله عز وجل وصدق بوعده واتبع رسله أدخله الجنة، قال: واللوح لوح من درة بيضاء طوله ما بين السماء والأرض، وعرضه ما بين المشرق إلى المغرب وحافتاه الدر والياقوت ودفتاه ياقوتة حمراء، وفلمه نور وكلامه قديم، وكل شيء فيه مستور.
وقيل: أعلاه معقود بالعرش، [وأصله في حجر ملك، قال مقاتل: اللوح المحفوظ عن يمين العرش]

(ج: 5، ص: 238، ط: دار احیاء التراث العربی)

واللہ تعالٰی اعلم بالصواب
دارالافتاء الاخلاص، کراچی
Print Full Screen Views: 165
loh-e-mehfooz/loh-e-mahfooz ki wazaahat, explanation/elaboration regarding the loh-e-mahfooz/loh-e-mehfooz

Find here answers of your daily concerns or questions about daily life according to Islam and Sharia. This category covers your asking about the category of Beliefs

Copyright © AlIkhalsonline 2021. All right reserved.

Managed by: Hamariweb.com / Islamuna.com